Róðrarfelagið Knørrur - Tíðindi

Takk fyri hesa ferð

rk@rk.fo(Admin) — Wed, 28 Jul 2010 14:05:00 GMT

Við felagsmyndini í ár takkar nevndin í Róðrarfelagnum Knørri øllum teimum, sum vóru við til at skapa felagið í 2010.

Knørrafólk heilsaðu Livari

rk@rk.fo(Admin) — Wed, 18 Aug 2010 09:10:00 GMT

Flestøll hava hoyrt um 39 ára gamla Livar Nysted í Hvannasundi, sum hevur róð um Atlantshavið í einum lítlum róðrarbáti og sett heimsmet. Fólk frá Róðrarfelaginum Knørri vóru á staðnum, tá Livar kom til heimbygdina eftir langa túrin. Livar bleiv heiðraður av fleiri hundrað fólkum og fekk nógvar gávur.

Fekk flúgvandi start við nýggjum bili

rk@rk.fo(Admin) — Thu, 27 May 2010 20:55:00 GMT

Á bilmarknaðinum hjá Róðrarfelagnum Knørri herfyri vórðu flogferðir lutaðar út millum teirra, ið keyptu bil á degnum.

Í dag kl. 18 taka vit felagsmynd

rk@rk.fo(Admin) — Mon, 26 Jul 2010 20:20:00 GMT

Í dag, 26. juli kl. 18, hittast allir rógvarar í Róðrarfelagnum Knørri í Evensen til at taka felagsmyndina 2010.

Avstaðferð á fjarðastevnu

rk@rk.fo(Admin) — Thu, 01 Jul 2010 09:00:00 GMT

Á fjarðastevnu skipa manningar í Róðrarfelagnum Knørri sjálvar fyri farti til Vestmannar og heim aftur.

Myndir frá jóansøku

rk@rk.fo(Admin) — Sat, 03 Jul 2010 17:00:00 GMT

Langt um leingi komu jóansøkumyndirnar frá teimum bláu. Afturfyri eru tær eisini ein millimetur betri enn allar hinar :-)

Startrøðin á fjarðastevnu

rk@rk.fo(Admin) — Fri, 02 Jul 2010 09:50:00 GMT

Í morgin, 3. juli, fara 32 barnamanningar og 48 vaksnamanningar at rógva ársins fimta FM-róður, sum verður á fjarðastevnu í Vestmanna.

Innbjóðing til fjarðastevnu

rk@rk.fo(Admin) — Tue, 29 Jun 2010 13:50:00 GMT

Vestmanna Ítróttafelag vil við hesum bjóða tykkum vælkomin á fjarðastevnu 2010. FM-kappróður verður leygardagin 3. juli kl. 13.00, tá byrjað verður við barnaróðrinum.

Eitt summarkvøld í Hoyvík

rk@rk.fo(Admin) — Fri, 25 Jun 2010 13:05:00 GMT

Hósdagin 24. juni, jóansøkudag, høvdu smádreingirnir á Jallinum eina lætta venjing á skránni. Veðrið var himmalskt, so vit róðu niðan til Hoyvíkar í góðveðrinum.

Avstaðferð á jóansøku

rk@rk.fo(Admin) — Thu, 24 Jun 2010 14:50:00 GMT

Leygarmorgunin møta vit øll stundisliga klokkan 08.30 í Evensen og á Skálatrøð. Vit hjálpast síðan at við at rógva ella trilla bátarnar yvir á Bursatanga og fáa teir umborð á Smyril.

Startrøðin á jóansøku

rk@rk.fo(Admin) — Wed, 23 Jun 2010 22:20:00 GMT

Leygardagin, 26. juni, fara 31 barnamanningar og 47 vaksnamanningar at rógva fjórða FM-róðurin, sum verður á jóansøku í Vági.

Tí eitur tað jóansøka

rk@rk.fo(Admin) — Wed, 23 Jun 2010 22:05:00 GMT

Einki kemur av ongum, heldur ikki navnið á jóansøkuni. Nú munnu vit mest seta hana í samband við nýfloygdar pisur, hásummar og stevnudagar í Suðuroy, men talan er eisini um aldagamlan katólskan halgidag til minnis um føðing Jóhannesar doypara. Harav kemur navnið jóansøka. Sambært Halgubók varð Jóhannes doypari føddur hálvt ár eftir Jesus, og jóansøkudagur er tískil tann 24. juni.

Leinki til alt um jóansøkuna

rk@rk.fo(Admin) — Wed, 23 Jun 2010 18:50:00 GMT

Leinki til allar praktiskar upplýsingar um jóansøkuna í Vági komandi leygardag finnur tú her.

Innbjóðing frá vágbingum til jóansøku

rk@rk.fo(Admin) — Sat, 19 Jun 2010 21:55:00 GMT

Vágs kappróðrarfelag vil við hesum bjóða øllum róðrarfeløgum hjartaliga vælkomnum til kappróður á jóansøku, sum verður í Vági, leygardagin 26. juni.

Nýtt mál í Vági

rk@rk.fo(Admin) — Sat, 19 Jun 2010 21:50:00 GMT

Á jóansøku í Vági komandi leygardag fara bátarnir at royna tað nýggja málið, sum vágbingar hava gjørt til stevnuna hesa ferð.

Eystanstevnumyndir

rk@rk.fo(Admin) — Sun, 20 Jun 2010 10:00:00 GMT

Myndirnar frá eystanstevnu í Runavík leygardagin eru komnar á síðuna.

Alt um eystanstevnuna

rk@rk.fo(Admin) — Sat, 19 Jun 2010 15:50:00 GMT

Leinki til allar praktiskar upplýsingar um eystanstevnuna í Runavík í dag finnur tú her.

Avstaðferð á eystanstevnu

rk@rk.fo(Admin) — Fri, 18 Jun 2010 09:00:00 GMT

Á eystanstevnu skipa manningar í Róðrarfelagnum Knørri sjálvar fyri farti til Runavíkar og heim aftur.

Startrøðin á eystanstevnu

rk@rk.fo(Admin) — Fri, 18 Jun 2010 14:20:00 GMT

Í dag, 19. juni, fara 28 barnamanningar og 46 vaksnamanningar at rógva triðja FM-róðurin, sum verður á eystanstevnu í Runavík.

Boð frá NSÍ til oldgirlsmanningar

rk@rk.fo(Admin) — Thu, 17 Jun 2010 09:30:00 GMT

Um áhugi er, verður skipað fyri oldgirlsróðri á eystanstevnu. Manningar, sum vilja við, skulu ringja til Sámal Hansen á tel. 598968 og melda til.

Havið bátshakan við leygardagin

rk@rk.fo(Admin) — Tue, 15 Jun 2010 13:00:00 GMT

Á eystanstevnu komandi vikuskiftið fara høvuðsdómararnir at kanna, um bátarnir halda regluna um at hava bátshaka við á stevnu.

KvF skjótari við róðrinum hesa ferð

rk@rk.fo(Admin) — Mon, 14 Jun 2010 22:40:00 GMT

Øll munnu vit gleðast um at kunna síggja FM-róðurin hjá teimum vaksnu, sum Kringvarpið streymar og leggur heilar út á netið, bæði rógvarar og onnur, sum hava áhuga fyri kappróðri.

Neystatreff eftir sundalagsstevnu

rk@rk.fo(Admin) — Sat, 12 Jun 2010 00:05:00 GMT

Umleið ein tíma eftir seinasta FM-róðurin á sundalagsstevnu (vanliga um 19-tíðina) hittast vit øll í Evensen at enda dagin saman. Foreldur og stuðlar eru hjartaliga vælkomin.

Avstaðferð á sundalagsstevnu

rk@rk.fo(Admin) — Fri, 11 Jun 2010 13:00:00 GMT

Á sundalagsstevnu skipa manningar í Róðrarfelagnum Knørri sjálvar fyri farti til Hvalvíkar og heim aftur.

Myndir frá norðoyastevnu

rk@rk.fo(Admin) — Thu, 10 Jun 2010 22:00:00 GMT

Myndirnar frá norðoyastevnu eru loksins lagdar út á síðuna. Myndafólk vóru sum altíð tey ungu knørrafólkini.

Bláar rósur og buksuvatn

rk@rk.fo(Admin) — Wed, 09 Jun 2010 18:40:00 GMT

Vit hava fingið heilsan frá sjálvum Toft Hanusi, sum harmast um vána úrslit á norðoyastevnu, men samstundis fegnast um knáu dreingirnar á Jallinum.

Alt um sundalagsstevnuna

rk@rk.fo(Admin) — Wed, 09 Jun 2010 09:50:00 GMT

Vilt tú hava leinki til praktiskar upplýsingar um komandi sundalagsstevnuna í Hvalvík, so finnur tú tey høgrumegin í kalendara okkara.

Startrøðin á sundalagsstevnu

rk@rk.fo(Admin) — Tue, 08 Jun 2010 20:20:00 GMT

RSF sigur frá, at 30 barnamanningar og 48 vaksnamanningar fara at rógva annan FM-róðurin, sum verður á sundalagsstevnu í Hvalvík, nú leygardagin, 12. juni. Kappróðurin byrjar við barnaróðri kl. 13. 00 og heldur fram við vaksnaróðri kl. 15.00. Bátarnir rógva í vístu raðfylgju og við vístu numrum, har lægsta startnummar er ytsta pláss í stýriborð, sæð frá starti inn á mál.

Sundalagsstevna 2007

rk@rk.fo(Admin) — Sat, 16 Jun 2007 21:40:00 GMT

Dagurin í Sundalagnum minti nógv um tann í Klaksvík, tó at tað gekst eitt vet frægari. Jallurin við dreingjum togaði seg eitt pláss longri fram, og genturnar á Tambar eru farnar at egna eftir gulli.

Myndir frá jallafjeppara

rk@rk.fo(Admin) — Sun, 06 Jun 2010 12:40:00 GMT

Við einum triðjaplássi vístu teir ungu/sera ungu dreingirnir hjá okkum á Jallinum í vaksnaróðri eitt frálíkt avrik á norðoyastevnu. Tað halda vit – og tað heldur ein glaður jallafjeppari eisini og hevur sent okkum nakrar fínar myndir av røsku guttunum. Tær koyra vit fluks út á síðuna, til heiðurs fyri Niclas, Brestir, Sámal, Edvard, Christian, Andor og Johan.

Avstaðferð á norðoyastevnu

rk@rk.fo(Admin) — Fri, 04 Jun 2010 13:00:00 GMT

Á norðoyastevnu skipa manningar í Róðrarfelagnum Knørri sjálvar fyri farti til Klaksvíkar og heim aftur.

Dagførd startrøð á norðoyastevnu

rk@rk.fo(Admin) — Thu, 03 Jun 2010 22:05:00 GMT

Dagførdar upplýsingar frá RSF siga, at 80 manningar vera við á norðoyastevnu í Klaksvík, leygardagin, 5. juni. 33 barnamanningar, 47 vaksnamanningar og 4 old girls manningar.

Skeg skot av Skála

rk@rk.fo(Admin) — Mon, 24 May 2010 22:00:00 GMT

Knørraungdómurin var sjálvandi við á royndarstevnuni á Skála og hevði sum altíð myndatólið við sær.

Startrøðin á royndarstevnuni

rk@rk.fo(Admin) — Fri, 21 May 2010 22:05:00 GMT

50 manningar hava teknað til kappróður á royndarstevnu á Skála í dag – 20 barnamanningar og 30 vaksnamanningar. Allar bátastøddir vera við uttan tíggjumannafør.

Myndir frá venjingarleguni 2010

rk@rk.fo(Admin) — Mon, 17 May 2010 01:35:00 GMT

Venjingarlegan 2010 varð hildin á Eiði í døgunum 14.-16. mai 2010. Síggið myndirnar frá leguni her á knørrasíðuni.

Royndarstevna á Skála leygardagin

rk@rk.fo(Admin) — Mon, 17 May 2010 07:25:00 GMT

Skála róðrarfelag sigur frá, at tað býður øllum rógvarum til Skála at kapprógva á royndarstevnu nú leygardagin, 22. mai.

Knørradreingir á Bakkafrost Open

rk@rk.fo(Admin) — Sat, 17 Apr 2010 18:15:00 GMT

Bakkafrost Open var í dag, og okkara Knørradreingir vóru einsamallir um at umboða bláa litin í dag - og teir gjørdu tað eisini á besta hátt. Eina gullmedalju fingu teir í stafettini í barnaróðrinum, tí av onkrari orsøk møtti eingin onnur manning, og so eina bronsu í kappingini hjá FM-bátunum, har teir luttóku í staðin.

Endaliga samtykt: Børnini rógva FM

rk@rk.fo(Admin) — Fri, 14 May 2010 15:05:00 GMT

Á eykaaðalfundi í RSF mikukvøldið varð endaliga samtykt, at barnaróðurin verður skipaður sum FM–róður í summar.

Kunning um venjingarleguna 2010

rk@rk.fo(Admin) — Tue, 11 May 2010 20:10:00 GMT

Hetta vikuskiftið, 14. til 16. mai, fer Róðrarfelagið Knørrur norður til Eiðis á venjingarlegu. Vit geva tykkum við hesum nakrar praktiskar upplýsingar um leguna.

Vit fara norð til Risan og Kettlingin!

rk@rk.fo(Admin) — Sat, 01 May 2010 20:20:00 GMT

Tey yngru hava spurt eftir henni – venjingarleguni – og nú boðar nevndin frá, at í ár fara vit norð til Risan og Kettlingin, beint við síðunar av Eiði!

Nógvir brúktir bilar seldir

rk@rk.fo(Admin) — Tue, 04 May 2010 10:15:00 GMT

Leygardagin 1. mai var Føroya størsti brúktabilamarknaður á Skálatrøð í Havn, har fleiri av bilasølunum sýndu fram og seldu brúktar bilar á einum felags marknaðardegi.

Stórur brúktbilamarknaður í dag, 1. mai

rk@rk.fo(Admin) — Sat, 01 May 2010 00:40:00 GMT

Í dag, leygardag 1. mai, er Skálatrøð karmur um helst Føroya størsta brúktabilamarknað, tá ið flestallar bilasølur í landinum fara at sýna fram og selja brúktar bilar á einum felags marknaðardegi.

Familjudagurin 2010

rk@rk.fo(Admin) — Thu, 29 Apr 2010 22:00:00 GMT

Flaggdagin høvdu vit familjidag í Vágsbotni, og tað skal sigast, at hjálpin var holl - bæði frá teim nýggju gomlu og teim gomlu nýggju.

Taktfast ved Tinghusvollen

rk@rk.fo(Admin) — Sun, 25 Apr 2010 17:00:00 GMT

Í 2007 var norski blaðmaðurin Arne Hofseth á ólavsøku og upplivdi, hvussu vit halda tjóðarhátíð okkara við millum annað dansi, kappríðing og kappróðri.

Almennur familjudagur í Vágsbotni 25. apríl

rk@rk.fo(Admin) — Wed, 14 Apr 2010 19:00:00 GMT

Flaggdagin, sunnudagin 25. apríl, verður almennur familjudagur í Vágsbotni, tá ið Róðrarfelagið Knørrur skipar fyri árliga flaggdagstiltaki sínum.

Við árum um Atlantshav

rk@rk.fo(Admin) — Mon, 19 Apr 2010 12:00:00 GMT

Hann hevur tikið tøk við havið áður, og nú ger hann tað aftur, Livar í Hvannasundi. Í summar leggur hann sjálvur fjórði frá landi í New York í árabátinum Artemis Investments og ætlar at rógva teir 5.000 kilometrarnar tvørtur um hav til Falmouth í Cornwal.

Kr. 6.000 er ikki so galið sloppið fyri 6 lív

rk@rk.fo(Admin) — Wed, 14 Apr 2010 14:15:00 GMT

Kvinnurnar á Gongurólvi fingu eina kaldliga heilsan frá Fiskiveiðieftirlitinum týskvøldið, tá ið spitbáturin á Tjaldrinum um áttatíðina legði at borði hjá manningini yviri undir Havnarskrivstovuni.

Innbjóðing til Bakkafrost Open 2010

rk@rk.fo(Admin) — Wed, 31 Mar 2010 04:10:00 GMT

Leygardagin 10. apríl skipar Kappróðrarfelagið NSÍ á fimta sinni fyri opnari kapping í innróðri í ítróttarhøllini í Runavík.

Gamlar myndir: Jarnbardur kvinnur 1993

rk@rk.fo(Admin) — Tue, 06 Apr 2010 23:00:00 GMT

Vit hava fingið sendandi eina mynd av kvinnunum, sum vunnu føroyameistaraskapið við Jarnbardi í 1993.

Tombola við ungum og góðum avriki

rk@rk.fo(Admin) — Thu, 01 Apr 2010 03:30:00 GMT

Mikudagin skipaði Róðrarfelagið Knørrur fyri tombola, og vit fingu fitt av peningini inn.

Úrslit frá finaluni í RK-PRIX

rk@rk.fo(Admin) — Thu, 01 Apr 2010 00:00:00 GMT

Fríggjadagin 26. mars var finaluumfarið av RK-PRIX 2009-10 hildið á Saltsøluni. Úrslit og støður eru løgd út á síðuna.

Stuðla RK við tombolavinningum 31. mars

rk@rk.fo(Admin) — Mon, 29 Mar 2010 12:20:00 GMT

Mikudagin 31. mars skipar Róðrarfelagið Knørrur fyri tombola í FK Hoyvík og í Miðlon, og vit heita á foreldur, limir og stuðlar um at koma við vinningum.

Prixmedaljur og felagsróður

rk@rk.fo(Admin) — Sat, 27 Mar 2010 04:30:00 GMT

Vit endaðu prixárið við finalu á Saltsøluni, og so fóru vit yvir í Evensen, har vit fyltu allar bátarnar við børnum, FM-rógvarum og old girlsunum hjá okkum.

Prixfinala, úttøka og felagsróður 26. mars

rk@rk.fo(Admin) — Thu, 18 Mar 2010 21:15:00 GMT

Seinasta umfar av ársins RK-PRIX verður fríggjadagin 26. mars. Dagurin verður skipaður við finaluumførum á Saltsøluni, felagsróðri á vágni og vaflum og heiðursmerkjahandan í Evensen.

Dagførdar lógir og reglur fyri RSF

rk@rk.fo(Admin) — Sun, 14 Mar 2010 06:00:00 GMT

Vit hava nú dagført lógir og reglur fyri Róðrarsamband Føroya, soleiðis sum tær vórðu samtyktar og broyttar á aðalfundinum nú leygardagin. Reglurnar, sum RSF hevði í uppskotið um FM í barnaróðri, eru tó ikki við, tí teimum bíða vit við, inntil komandi eykaaðalfundurin hevur samtykt tær.

Súnhild Holm í nevnd RSF

rk@rk.fo(Admin) — Sat, 13 Mar 2010 15:45:00 GMT

Á aðalfundinum hjá Róðrarsambandi Føroya í dag varð Súnhild Holm vald í nevnd RSF. Hon kemur fyri Árna Andreasen, sum ikki stillaði upp aftur.

Aðalfundur RSF: Frágreiðing formansins

rk@rk.fo(Admin) — Sat, 13 Mar 2010 18:40:00 GMT

Aðalfundur var í Róðrarsambandinum í dag, og ein av føstu táttunum er frágreiðing formansins frá farna ári.

Barnaróðurin verður FM-róður í summar

rk@rk.fo(Admin) — Sun, 14 Mar 2010 19:50:00 GMT

Í summar verður barnaróðurin skipaður sum FM-róður, har føroyameistarar skulu finnast eins og hjá teimum vaksnu. Tað samtykti aðalfundur RSF, sum varð hildin leygardagin.

Gerið eitt føroyskt róðrarlandslið

rk@rk.fo(Admin) — Sat, 13 Mar 2010 00:00:00 GMT

Til aðalfundin hjá RSF í dag, 13. mars klokkan 10, hevur Róðrarfelagið Knørrur í uppskoti at skipa eitt føroyskt landslið í kappróðri.

Rættir menn Føroyar!

rk@rk.fo(Admin) — Sat, 13 Mar 2010 14:00:00 GMT

Ein føroysk video hevur sníkt seg inn á eina av kendastu kappróðrarsíðum í heiminum: www.row2k.com.

Nevnd okkara hevur skipað seg

rk@rk.fo(Admin) — Tue, 09 Mar 2010 23:55:00 GMT

Nývalda knørranevndin skipaði seg á nevndarfundi í kvøld, 10. mars 2010. Rúni Joensen heldur fram sum formaður, Gunnvá Fossaberg Ellingsgaard er nýggj næstforkvinna, Rebekka á Neystabø Jacobsen hevur tikið við penninum sum skrivari, nýggja kvinnan í felagnum, Ninna Reinert Ørvarodd, er nevndarlimur, og Petur í Gong tekur eitt tørn afturat sum kassameistari.

Aðalfundurin 2010: Nýggja nevndin vald

rk@rk.fo(Admin) — Sat, 06 Mar 2010 20:05:00 GMT

Aðalfundur var í RK í dag, har formaðurin legði fram ársfrágreiðing, roknskapurin varð viðgjørdur og nýggja nevndin í felagnum varð vald.

Aðalfundurin 2010: Tríggjar kvinnur stilla upp

rk@rk.fo(Admin) — Sat, 06 Mar 2010 00:00:00 GMT

Til aðalfund okkara, sum verður á Saltsøluni í dag klokkan 16, hevur sitandi nevnd tríggjar kvinnur í uppskoti til komandi nevnd felagsins. Tær eru Gunnvá Fossaberg Ellingsgaard, Rebekka á Neystabø Jacobsen og Ninna Reinert Ørvarodd. Tær koma fyri Helga Øster Petersen, Sjúrð Gullbein og Berg Sørensen, sum takka fyri seg á hesum sinni.

Frágreiðing formansins 2010

rk@rk.fo(Admin) — Tue, 09 Mar 2010 17:25:00 GMT

– Tað sær út til, at hølistrupulleikin hjá Róðrarfelagnum Knørri er loystur í nøkur ár, men spurningurin er, hvørja endaliga loysn, ið felagið vil satsa uppá. Tað segði formaður okkara Rúni Joensen, millum annað í ársfrágreiðing síni á júst hildna aðalfundi okkara. Lesið frágreiðing formansins her, ella heintið hana sum PDF-skjal undir leinki niðast á síðuni.

RK-PRIX 2009-10, fimta umfar

rk@rk.fo(Admin) — Mon, 01 Mar 2010 00:00:00 GMT

Fríggjadagin og leygardagin, 26. og 27. februar, var fimta umfar av RK-PRIX hildið á Saltsøluni. Úrslit og støður eru løgd út á síðuna.

Knørradrotning

rk@rk.fo(Admin) — Sat, 27 Feb 2010 13:25:00 GMT

Í Formulakappingini í rógving í dag vann Johanna Peteren úr Róðrarfelagnum Knørri kappingina millum kvinnur á teininum 2000 metrum. Tað sá annars leingi út til, at hon skuldi tapa kappingina, men tá ið tað leið at enda átti Johanna mestu styrkina eftir og legði hinar væl aftur um seg. Við tí er Johanna Petersen úr Róðrarfelagnum Knørri vársins sterkasti kvinnurógvari.

BROYTING: 5. umfar av RK-PRIX verður á Saltsøluni 26. og 27. februar.

rk@rk.fo(Admin) — Tue, 23 Feb 2010 23:45:00 GMT

Orsakað av ógreiðum útmeldingum frá fyrireikarunum av kappingini í Eysturskúlanum, verður 5. umfar av RK-PRIX broytt. Hjá U15 og U18 verður tað flutt til vanligu venjingartíðirnar nú fríggjadagin 26. februar. Hjá vaksnum verður tað flutt til leygardagin 27. februar. Allir bólkar rógva á Saltsøluni.

Aðalfundur í RK á Saltsøluni 6. mars kl. 16

rk@rk.fo(Admin) — Fri, 19 Feb 2010 10:25:00 GMT

Nevndin í Róðrarfelagnum Knørri boðar frá, at aðalfundur felagsins 2010 verður á Saltsøluni leygardagin 6. mars kl. 16.

RK-PRIX og 1. úttøka í Eysturskúlanum

rk@rk.fo(Admin) — Mon, 15 Feb 2010 09:25:00 GMT

Av tí at almenn kapping í innirógving er í Eysturskúlanum 27. februar, verður 5. umfar av RK-PRIX, sum skuldi verða á Saltsøluni 28. februar, flutt til kappingina í Eysturskúlanum. Úrslitini hjá RK-rógvarum í kappingini telja við í RK-PRIX.

Røsk at hjálpa til

rk@rk.fo(Admin) — Sun, 07 Feb 2010 08:40:00 GMT

Dansurin við Ole Ivars leygarkvøldið gekk væl, og enn eina ferð vóru rógvarar og stuðlar fúsir at hjálpa.

RK-PRIX 2009-10, fjórða umfar

rk@rk.fo(Admin) — Sun, 24 Jan 2010 17:00:00 GMT

Sunnudagin, 24. januar, var fjórða umfar av ársins RK-PRIX hildið á Saltsøluni. Úrslit og støður eru løgd út á síðuna.

Old Girls á Glyvursnesi

rk@rk.fo(Admin) — Sat, 23 Jan 2010 16:20:00 GMT

Suss aftast á lærinum, hinar rógva og tiga. Fastar armar. Andsperr í búkinum.

RK - ein róðrarmøguleiki hjá tær

rk@rk.fo(Admin) — Mon, 11 Jan 2010 00:00:00 GMT

Hava tú og tínir vinir hug at rógva kapp saman við øðrum, eru tit hjartaliga vælkomin í Róðrarfelagið Knørr.

Hon er avloysarin hjá Katrini Olsen

rk@rk.fo(Admin) — Sat, 09 Jan 2010 17:25:00 GMT

Tann fyri føroyska kapprógving so spennandi tíðin við Katrini Olsen og Juliane Elander Rasmussen er liðug. Katrin er vorðin lækni og fer nú at savna seg um læknayrkið.

Maðurin, mikrofonin og søgan

rk@rk.fo(Admin) — Fri, 01 Jan 2010 12:00:00 GMT

Í dag, 1. januar 2010, hevur Jógvan Arge 40 ára starvsdag í Kringvarpi Føroya.

RK ynskir øllum eini gleðilig jól

rk@rk.fo(Admin) — Wed, 23 Dec 2009 10:05:00 GMT

Róðrarfelagið Knørrur ynskir øllum eini gleðilig jól og eitt gott nýggjár. Vit takka rógvarum, venjarum, foreldrum og stuðlum fyri innsatsin og arbeiðið fyri felagið í 2009 og ynskja tykkum blíðan byr í komandi ári.

RK-PRIX 2009-10, triðja umfar

rk@rk.fo(Admin) — Sun, 13 Dec 2009 17:00:00 GMT

Sunnudagin, 13. desember, var triðja umfar av ársins RK-PRIX hildið á Saltsøluni. Úrslit og støður eru løgd út á síðuna.

RK-PRIX 2009-10, annað umfar

rk@rk.fo(Admin) — Sun, 22 Nov 2009 17:00:00 GMT

Annað umfar av ársins RK-PRIX var á Saltsøluni sunnudagin 22. november. Úrslit og støður eru løgd út á síðuna.

3. umfar av RK-PRIX í dag klokkan 14

rk@rk.fo(Admin) — Sun, 13 Dec 2009 00:05:00 GMT

Í dag, sunnudag 13. desember klokkan 14, verður triðja umfar av ársins RK-PRIX.

Quinnurnar føroyameistarar fyri 10. ferð!

rk@rk.fo(Admin) — Wed, 18 Jul 2007 07:40:00 GMT

Vestanstevnan var ein gleðidagur hjá RK og Jarnbardi við kvinnum, sum henda dagin vann sítt tíggjunda FM-heiti. Hetta er samstundis tað triðmesta av øllum bátum nakrantíð, og bert tvey frá at tangera metið hjá Havnarbátinum. Og bragdið er gjørt innan fyri nógv styttri tíð, enn nakar annar bátur hevur megnað!

Sigursrómur og kolkjallaragrús

rk@rk.fo(Admin) — Wed, 25 Jun 2008 07:55:00 GMT

Jóansøkan gjørdist á mongum økjum ein fullkomin mótsetningur av sundalagsstevnu. Vit vunnu tveir róðrar, fingu eitt annaðpláss og eitt sera kærkomið triðjapláss eisini. Men sum so mangan, tá ið nógvar manningar eru, høvdu summar ein ringan dag, og hjá summum fer stríðsviljin skjótt at standa sína roynd.

Ársaðalfundur RSF: Vit eru á veg inn í Coastal Rowing

rk@rk.fo(Admin) — Sat, 28 Mar 2009 14:15:00 GMT

“Tað er mín ætlan, at føroyskir rógvarar skulu kunna bjóða seg fram í Coastal Rowing.” Soleiðis segði Jan Herman Hansen, formaður Róðrarsambandsins í ársfrágreiðing síni á aðalfundi RSF í dag, har hann greiddi frá, at Norðurlendska róðrarsambandið arbeiðir við gera felags nýggjar reglur fyri strandróður, sum er ein skjótvaksandi ítrótt runt um okkum.

Heilsan frá okkara egnu Katrin

rk@rk.fo(Admin) — Sun, 06 May 2007 22:00:00 GMT

Vit hava fingið heilsan frá Katrini Olsen, har hon greiðir frá fyrireikingunum til kappingarárið hjá sær

í Skotinum: Hallur Nattestad

rk@rk.fo(Admin) — Tue, 30 Sep 2008 22:00:00 GMT

Hallur er havnardrongur, føddur 9. november 1995 og gongur í 7. flokki í Kommunuskúlanum. Hallur róði á fyrsta sinni við Róðrarfelagnum Knørri í fjør, tá hann var við barnamanningini á Jallinum og passaði árina á bógnum í bakborð.

Og hóast hann var nógv yngstur umborð – faktiskt var hann yngsti maður í felagnum – so gekk tað óføra væl hjá honum. Tvær stevnur var hann við til at vinna saman við hinum jallaboysunum, umframt at hann streyk av stað við gullmerkinum í sínum bólki í innikappingini í Eysturskúlanum.

í Skotinum: Magnus Norðberg

rk@rk.fo(Admin) — Sun, 30 Nov 2008 23:05:00 GMT

Magnus er føddur 7. oktober 1979 og lesur á fjórða ári til Sports & Exercise Science á Aberdeen University.

Magnus er barnvaksin í Hvalba, hevur búð meginpartin av vaksna lívi sínum í Havn, men kappróðrarliga er tað kortini Klaksvíkin, ið hevur fingið størstu gleðina av innsatsinum hjá Magnusi, bæði í bátinum og á landi. Hann gjørdist millum annað kassameistari í Klaksvíkar róðrarfelag í 2004, sum var fyrsta árið hann róði, og árið eftir, í 2005, bleiv hann formaður felagsins.

2. umfar av RK-PRIX í dag klokkan 14

rk@rk.fo(Admin) — Sun, 22 Nov 2009 00:05:00 GMT

Í dag, sunnudag 22. november klokkan 14, verður annað umfar av ársins RK-PRIX.

Myndir frá RK-PRIX

rk@rk.fo(Admin) — Sat, 14 Nov 2009 00:15:00 GMT

Myndirnar frá 1. umfari av RK-PRIX eru lagdar út á síðuna. Myndafólkíni komu frá U15, ið sum altíð ger eitt gott arbeiði fyri felagið.

RK-PRIX 2009-10, fyrsta umfar

rk@rk.fo(Admin) — Sun, 25 Oct 2009 17:00:00 GMT

Fyrsta umfar av ársins RK-PIX var á Saltsøluni í dag. Úrslit og støður eru løgd út á síðuna.

Venjingartíðirnar dagførdar

rk@rk.fo(Admin) — Fri, 06 Nov 2009 07:25:00 GMT

Yvirlitið yvir venjingartíðirnar hjá okkum er dagført og vísir nú eisini, hvussu nógvar maskinur leypa av, tá ið manningar venja.

Slightly worn but dignified

rk@rk.fo(Admin) — Sat, 07 Jun 2008 12:10:00 GMT

Jarnbardur – gullhønan hjá Róðrarfelagnum Knørri – er komin aftur á banan. Men kalt vatn í blóðið: talan er ikki um gullgarduna, men um eina húggimanning, sum vil hjálpa Gongurólvi gjøgnum kappingarárið 2008.

Óførar jallagentur!

rk@rk.fo(Admin) — Fri, 13 Jun 2008 15:25:00 GMT

Jallurin við gentum hevur sum allar nýggjar manningar og ikki minst sum óroyndir rógvarar brúk fyri tíð at laga seg til umstøðurnar, sum tær eru komnar í. Tær eru ymsar av lyndi, men felagsskapurin tekur form hvønn dag, og gleðin um at vera saman veksur við sjey míla fetum.

Ormurin rennur, árar leika í tollum

rk@rk.fo(Admin) — Thu, 19 Jun 2008 18:30:00 GMT

(19.06.08) Nú, vit eru farin fram við norðoyastevnu og sundalagsstevnu, eru RK-fólk farið at droyma um jóansøkuna. Nú skal Orminum sjálvandi vinna aftur, tað hava vit allar góðar grundir til at vóna.

Heilsan til Jallagentur

rk@rk.fo(Admin) — Mon, 29 Jun 2009 18:30:00 GMT

At vera kvinna í RK krevur meira enn í øðrum feløgum, tí kvinnan í RK er uttan umtos tað sama sum nr. 1.

Myndir og hagtøl um rógvarar í RK

rk@rk.fo(Admin) — Sat, 21 Jun 2008 17:20:00 GMT

Heimasíðan hjá okkum fer nú undir nýggjan tátt, har vit fara at vísa myndir og upplýsingar um hvønn einstakan rógvara í felagnum. Ætlanin er so spakuliga at gera ein dátugrunn yvir øll tey, sum hava róð hjá okkum, men vit leggja spakuliga út og byrja sjálvandi við teimum, sum rógva ár.

Soleiðis skal tað gerast!

rk@rk.fo(Admin) — Sat, 21 Jun 2008 17:45:00 GMT

(21.06.08) Smádreingirnir fingu silvur, jallagentur skoraðu bronsumedaljurnar, og jarnbardakvinnur og ormsmenn bankaðu gullið upp á pláss, so tað sang í vágsfjøllum.

Róðrarfelagið Knørrur hevði eina drøngóða jóansøku, og vit gleðast og eru errin av okkara rógvarum - bæði tykkum, sum áttu eydnuna, og tykkum, sum stríddust fyri sakini, men einki fingu.

Knørrur givin

rk@rk.fo(Admin) — Thu, 26 Jun 2008 00:00:00 GMT

(26.06.08) Tað hevur ikki gingið eftir vild hjá teimum á Knørri í ár, og eftir at tað ikki eydnaðist at finna annan mann fyri róðursmannin, Erik Jespersen, sum beint eftir jóansøku fór til Danmarkar í arbeiðsørindum, hevur manningin valt at leggja bátin.

Seks plettskot og ein svipsari

rk@rk.fo(Admin) — Wed, 02 Jul 2008 09:10:00 GMT

Burtursæð frá einum kiksara hjá jalladreingjum royndist eystanstevnan sera væl hjá Róðrarfelagnum Knørri við framgongd hjá øllum hinum manningunum. Smádreingirnir og genturnar á Jallinum, Jarnbardur við kvinnum og Ormurin Langi endurtóku megnaravrikini frá jóansøku, og genturnar og smágenturnar á Tambar sluppu sær burtur av síðstaplássinum fyri fyrstu ferð í ár.

Stundum niðri við havsins botn, stundum uppi í ský

rk@rk.fo(Admin) — Tue, 08 Jul 2008 01:00:00 GMT

Fjarðastevna var ein sálarligur karruselltúrur av teimum stóru, har vit vóru best, verst og alt har ímillum. Tað byrjaði við fantastiskum gulli hjá smádreingjunum, so eitt lítið kiks frá Jallagentum, haðani til skýggja við Quinnunum, og so drønandi á botn við Orminum.

Frásagnir á rk.fo – øll minnir á einum stað

rk@rk.fo(Admin) — Tue, 03 Nov 2009 22:05:00 GMT

Frásagnir á rk.fo er nýtt savn við leinkjum til kykmyndafrásagnir frá kappróðri – bæði barnaróðri og FM-róðri – umframt til úrslit, myndir og annað tilfar, ið kann hava áhuga.

Spennandi nýtt frá RSF – beinleiðis netvarping í 2009

rk@rk.fo(Admin) — Tue, 14 Oct 2008 20:30:00 GMT

Leingi hevur verið frammi at gera kappróðurin meira áskoðaravinaligan, og líkt er nú til, at okkurt er við at henda á økinum. Róðrarsambandið hevur nevniliga fingið sær útgerð til at senda kappróður beinleiðis á internetinum, og konkretar ætlanir eru eisini um at útvega ein stórskíggja, so at áskoðarar kunnu síggja allan róðurin stevnunum – í staðin fyri ein lítlan part, sum nú.

Jan Herman Hansen: Vit gera ikki mun á bátum

rk@rk.fo(Admin) — Thu, 24 Jul 2008 02:55:00 GMT

"Vit royna, so vítt lógin loyvir okkum, at føra stuðulspolitikk í øllum málum, sum vit taka støðu til, men at RSF førir stuðulspolitikk í sambandi við Havnarbátin og gálgapolitikk í sambandi við Ormin, er als ikki satt."

Magnus Gaard: Navnið spillir ongan

rk@rk.fo(Admin) — Fri, 25 Jul 2008 09:25:00 GMT

Í drúgvari grein í dag lýsir formaður okkara, Magnus Gaard, navnamálið um Ormin Langa, soleiðis sum tað hevur gingið millum partarnar í ár.

Jógvan Thomsen: Jógvan Elias hevur rætt!

rk@rk.fo(Admin) — Tue, 15 Jul 2008 11:05:00 GMT

(15.07.08) Vit hava í dag fingið sendandi áhugaverda grein frá Jógvani Thomsen um umsitingarliga framferðarháttin hjá RSF, ið var til umrøðu í 3-2 mánakvøldið, eftir at Jógvan Elias Jacobsen hevði gjørt vart við málið í grein á heimasíðu okkara.

Jógvan Elias Jacobsen: Eru lógirnar hjá RSF til pynt?

rk@rk.fo(Admin) — Sun, 06 Jul 2008 21:35:00 GMT

Í mínum hugaheimi skal tað, sum er skrivað í lógunum, haldast, antin vit eru ósamd um reglurnar ella ikki. Eg havi funnið nøkur dømi, sum eg ikki haldi fylgja lógunum, men felags fyri tey er, at eingin ger nakað við tað. Í míni verð er tað RSF, sum skal fylgja hesum upp, tí slakar RSF uppá lógirnar, so verður anarki.

Soleiðis sigur Jógvan Elias Jacobsen m.a. í grein, har hann við dømum vísir á nøkur mál, sum eftir hansara tykki eru beinleiðis lógarbrot, sum eiga at verða steðgað, og í øðrum førum eru ógreið og krevja svar.

Heini Hátún: Traditiónir til gagns og fortreð

rk@rk.fo(Admin) — Thu, 17 Jul 2008 00:30:00 GMT

"Høvuðsspurningurin er, um man skal verja traditiónir ella javnt arbeiða fyri at menna ítróttagreinina, kappingarførið og dugnaskapin hjá føroyskum rógvarum.

Miðvingur setti seg á FM í 1988 og 1993

rk@rk.fo(Admin) — Sat, 12 Jul 2008 07:55:00 GMT

Fólk í Miðvági eru sikkurt spent til vestanstevnuna. Riddarin og Frúgvin hava góðan møguleika at sigra, men hevði vestanstevna verið í Miðvági í 1988 ella í 1993, so hevði Miðvingur heilt sikkurt haft vunnið, men av tí at stevnan ferðast millum bygdirnar, so er ikki altíð víst, at bátarnir í Miðvági eru á toppinum, tá ið stevnan kemur til Miðvágs, sjálvt um teir eru góðir.

Helgi Øster Petersen nýggjur næstformaður í RK

rk@rk.fo(Admin) — Mon, 21 Jul 2008 00:20:00 GMT

Á nevndarfundi í gjár umskipaði nevndin í felagnum seg eitt sindur. Helgi Øster Petersen er vorðin næstformaður, og Bergur Sørensen, sum hevur verið formanninum næstur, er vorðin vanligur nevndarlimur.

Helgi kom í felagið í 2005, tá ið hann róði við Knørri, og síðan hevur hann ment seg til at vera millum bestu rógvarar í Føroyum og hevur eisini víst seg sum álitismann í øllum lutum, bæði á báti og ikki minni á landi.

Fult hús á Hotel Krone – bræv frá Katrini Olsen

rk@rk.fo(Admin) — Tue, 22 Jul 2008 19:15:00 GMT

Meðan rógvarar her heima fyrireika seg til endabrestin á ólavsøku, gera Katrin og Juliane klárt til OL-róðurin í Beijing. Tað gongur væl hjá teimum báðum, og hóast venjingin er hørð, fáa tær eisini stundir at taka sær av løttum. Vit hava fingið bræv frá Katrini. Hon skrivar:

Sjúrður Gullbein: Nú hevði Suffía mostir kraperað

rk@rk.fo(Admin) — Wed, 23 Jul 2008 11:00:00 GMT

Góði Jan Herman og øll tit í Róðrarsambandinum. Í seinastuni hava søgur um undantaksloyvi, sentimeturmál og stikksagir florerað á kappróðrarheimasíðum, og í gjár endaðu tær so í Útvarpi Føroya.

Hvat kann røra hjartastreingir – tað eru jalladreingir

rk@rk.fo(Admin) — Fri, 25 Jul 2008 15:15:00 GMT

Ólavsøkan nærkast í stórum, og spenningurin er farin at kennast í kroppinum. Hjá Toft Hanusi er hann líka nógvur, sum mjørkin er á Havnarvág, og í dag hevur hann sent okkum eina heilsan til smádreingirnar á Jallinum.

Heilsan frá jallagentum til allar manningar í RK

rk@rk.fo(Admin) — Sun, 27 Jul 2008 12:15:00 GMT

Dagin fyri ólavsøku hava vit fingið eina sera vakra heilsan frá gentunum á Jallinum, har tær takka hvørji einstakari manning í Róðrarfelagnum Knørri fyri árið, ið fór, ynskja øllum ein alvorliga góðan ólavsøkuróður og vóna, at tær síggja tykkum øll aftur næsta ár.

Við hesi rørarindi heilsan takkar heimasíðan eisini fyri seg og tekur eina pausu eftir tjóðarhátíðina. Vit síggjast øll í neystinum eftir róðurin, har tit eru sera vælkomin at bjóða vinum og familju við til hátíðarhaldið.

MetroXpress tekur OL-fepurin av Katrini og Julianu

rk@rk.fo(Admin) — Tue, 18 Mar 2008 00:00:00 GMT

Danska høvuðsstaðarblaðið MetroXpress hevði í gjár eitt viðtal við tær báðar Katrina Olsen og Julianu Elander Rasmussen, har tær greiða tær frá OL-fyrireikingunum og vónunum há sær til stóru kappingina, nú smáir 150 dagar eru eftir, til skotið fellur í Beijing.

Hin klára fyrimyndin: OL-heilsan til Katrina Olsen frá barndómsfelagnum

rk@rk.fo(Admin) — Mon, 04 Aug 2008 19:05:00 GMT

Í nítiárunum lá hon undir Argjalandinum, á tremur av stríðsvilja, nýspelknum vøddum og ótolandi spenningi – klár at vinna ólavsøkuróðurin fyri Jarnbard og sítt barndómsfelag. Komandi sunnumorgun og 1.000.000 tøk seinni liggur hon á startinum í Shunyi róðrarpark í Kina – klár til sína størstu avbjóðing higartil: olúmpiska kapprógving móti heimselituni.

Eins og tey flestu av okkum er Katrin Olsen uppvaksin í føroyskum kappróðri; í so máta líkist hon ikki burturúr á nakran hátt. Strembaði eftir at gera sítt besta og vildi standa ovast á FM-pallinum. Tað eydnaðist henni, tí venjingin og felagsskapurin á bátinum rakk til tess – men hon vildi meira. Vildi seta fót á hægri tindar enn teir, sum FM-kappingin bjóðar, og hon vildi ofra tað, sum kravdist.

Regatta 2008: Eiði–Hósvík–Nólsoy

rk@rk.fo(Admin) — Thu, 07 Aug 2008 09:55:00 GMT

Hósvíkar róðrarfelag sigur frá, at árliga regattasiglingin, sum felagið skipar fyri, verður vikuskiftið 15. og 16. august.

iPodurin er tað fyrsta, Katrin leggur í kuffertið

rk@rk.fo(Admin) — Fri, 08 Aug 2008 08:20:00 GMT

Sum altíð er okkurt lætt tilfar uppií, tá ið fjølmiðlar umrøða einstaklingar, og donsku miðlarnir, ið annars fylgja sera væl við OL-rógvarunum, bjóða eisini bæði viðkomandi og lættari upplýsingar. Tveir av miðlunum, sum gera nógv burturúr, eru Politiken og TV2, sum á heimasíðum sínum hava hópin av tilfari.

Heimsins fyrsti OL-róður varð avlýstur fyri veður

rk@rk.fo(Admin) — Fri, 08 Aug 2008 13:05:00 GMT

Hóast ein kundi hildið, at vánalig róðrarlíkindi eru eitt føroyskt uppfinnilsi, so er tað eyðvitað ikki bara hjá okkum, at veðrið kann spæla róðrarfólki eitt puss.

Soleiðis rógva Katrin og Juliane

rk@rk.fo(Admin) — Sat, 09 Aug 2008 12:20:00 GMT

Í morgin ári fellur fyrsta skotið í størstu róðrarhending hjá einum føroyingini nakrantíð, tá ið Katrin Olsen saman við Julanie Elander Rasmussen skal royna at koma víðari í OL-kappingini í Beijing.

Foreldrini eru bestu stuðlar

rk@rk.fo(Admin) — Mon, 11 Aug 2008 12:15:00 GMT

Hóast ein er OL-rógvari og hevur allar hugsandi professionellar stuðlar og ráðgevar, so er tó einki at meta við stuðulin, sum ein fær frá sínum næstu, og allar minst frá foreldrunum. Soleiðis er tað eisini hjá Katrini, sum hevur okkum bræv frá olúmpisku leikunum eftir setanina og fyrsta róðurin.

Katrin og Juliane í hálvfinaluni – restin verður ótespiliga hørð

rk@rk.fo(Admin) — Sun, 10 Aug 2008 05:35:00 GMT

Í beijingska hitanum hildu Katrin og Juliane høvdið kalt og pulsinum í topp og ognaðu sær beinleiðis pláss í hálvfinaluni í OL. Men mótstøðan er óhugnalig, og dysturin um finaluplássini verður bæði herskin og harður. Vit hava úrslit og samanumtøku av fyrsta róðrinum.

Klárt til hálvfinalurnar

rk@rk.fo(Admin) — Tue, 12 Aug 2008 10:55:00 GMT

Eftir uppsamlingsróðurin í morgun er drigið um, hvussu hálvfinalurnar skulu rógvast. Katrin og Juliane eru komin í bólk saman við eitt nú Niðurlondum, Týsklandi og Kuba. Hinvegin møta tær ikki kinversku kvinnunum aftur fyrr enn í eini møguligari finalu.

Hálvfinalan og OL-kaffið útsett til í morgin

rk@rk.fo(Admin) — Thu, 14 Aug 2008 11:40:00 GMT

Hálvfinalan hjá Katrini og Juliane, sum skuldi vera í morgun, varð sum kunnugt útsett fyri veður og verður í staðin somu tíð í morgin, t.e. er klokkan 08.30 okkara tíð.

OL-kaffi og kappróður í Want2Bowl

rk@rk.fo(Admin) — Wed, 13 Aug 2008 07:30:00 GMT

Í morgin, 14. august millum kl. 8.00 og 9.00, verður OL-kaffi og kappróður á stórskíggja í Want2Bowl á Hálsi í Havn, tá ið tær báðar Katrin Olsen og Juliane Elander fara at royna at koma víðari til olúmpisku finaluna. Tiltakið er alment, og øll eru vælkomin.

Spádómur venjarans: Niðurlond, Týskland og Danmark koma víðari

rk@rk.fo(Admin) — Thu, 14 Aug 2008 16:10:00 GMT

Í upptakstgrein á heimasíðuni hjá danska róðrarsambandinum í dag metir Vagn Nielsen, venjari Katrinar, at hon og Juliana hava góðar møguleikar at koma víðari úr hálvfinaluni, tó at hann tekur eitt sjálvsagt fyrivarni fyri, at alt kann henda.

Stjørnukast: Katrin Olsen í uppskoti sum ársins ítróttanavn 2008

rk@rk.fo(Admin) — Mon, 22 Dec 2008 09:00:00 GMT

(22.12.08) Ítróttakøn hava valt út fimm evni til ársins ítróttanavn í ár. Teirra millum er Katrin Olsen, sum fyri sítt einastandandi avrik at vera fyrsti føroyingur at luttaka í Olúmpisku leikunum er ein sjálvskrivaður kandidatur til at kunna vinna heiðurin.

Tað er Kringvarp Føroya, sum skipar fyri kappingini, og vinnarin verður kunngjørdur í beinleiðis sending tann 30. desember. Á heimasíðu Kringvarpsins, www.kringvarp.fo, kanst tú atkvøða um, hvør ið tú heldur skal vinna heiðurin.

Endiliga frí! OL-bræv frá Katrini

rk@rk.fo(Admin) — Mon, 18 Aug 2008 08:45:00 GMT

Katrin og Juliana vunnu B-finaluna í gjáramorgunin og gjørdust tískil nr. 7 samanlagt í OL-kappingini. Nú hava tær endiliga fingið frí og kunnu njóta OL-leikirnar frá áskoðaraplássunum. Vit hava fingið bræv frá Katrini.

Farvæl og túsund takk!

rk@rk.fo(Admin) — Sat, 16 Aug 2008 00:00:00 GMT

Tað rakk ikki hjá Katrini og Julianu til eina OL-finalu, og hóast vónirnar hjá teimum og venjaranum vóru góðar, so mugu vit viðurkenna, at hinir bátarnir snøgt sagt vóru betri, og at úrslitið illa fekk verið øðrvísi. Men hóast Katrin onga gullmedalju fekk, so hevur hon við olúmpisku luttøku síni ruddað eina viljans og stoltleikans slóð, ið aðrir føroyskir rógvarar eiga at ganga.

Útferð við Norðlýsinum

rk@rk.fo(Admin) — Tue, 19 Aug 2008 15:00:00 GMT

Í kvøld, 22. august kl. 19.00, fer Róðrarfelagið Knørrur útferð við Norðlýsinum. Túrurin er fyri øll í felagnum – rógvarar, foreldur og stuðlar, og er ætlaður sum ein húggitúrur eftir eitt hart kappingarár.

Hevur tú hug at rógva?

rk@rk.fo(Admin) — Fri, 29 Aug 2008 12:50:00 GMT

(29.08.08) Hevur tú hug at rógva, ert tú vælkomin í Róðrarfelagið Knørr. Vit fyrireika okkum til komandi kappingarár, og vilt tú hava møguleikan at sleppa við einum av bátum okkara, ert tú vælkomin at seta teg í samband við okkum. Einasta treyt er, at tú hevur hug og vilja at gera títt besta.

Takk fyri dansin

rk@rk.fo(Admin) — Sun, 01 Nov 2009 18:05:00 GMT

Dansurin við Kikki og Spaðar 5 í gjárkvøldið eydnaðist væl, og við góðari hjálp frá rógvarum og stuðlum gekk alt av tí besta.

U15 á venjaraskeiði

rk@rk.fo(Admin) — Fri, 02 Oct 2009 17:50:00 GMT

Í fjør fór Ítróttasambandið undir skeiðsrøð fyri ungdómsenjarar hjá ítróttafeløgum kring landið. RK var við frá byrjan og sendi venjarar sínar á hesi skeið fyri at geva teimum íblástur til at arbeiða við teimu ungu.

Vetrarvenjingin hjá Róðrarfelagnum Knørri 2008-09 er byrjað

rk@rk.fo(Admin) — Sun, 07 Sep 2008 21:30:00 GMT

Mánadagin 15. september byrjaði vetrarvenjingin hjá Róðrarfelagnum Knørri. Sum nakað nýtt fara vit undir nýskipaða ungdómsvenjing, har tey ungu tvær, tríggjar ferðir um vikuna fara at kunna venja við vegleiðing frá vaksnum venjara. Spildurnýggj prix-kapping er eisini á skránni.

Nýtt aldursmark galdandi komandi kappingarár

rk@rk.fo(Admin) — Fri, 05 Sep 2008 22:55:00 GMT

Komandi kappingarár kemur í gildi nýggja aldursmarkið, ið samtykt varð á seinasta aðalfundi RSF. Nýggja aldursmarkið hevur við sær, at skeringsdagurin 1. mai verður broyttur til 31. desember, so at allarflestu rógvarar í eitt nú dreingjabátum og gentubátum í FM-róðri ikki kunnu vera eldri enn 17 ár.

RK-PRIX – Nýggj vetrarkapping hjá RK

rk@rk.fo(Admin) — Sun, 07 Sep 2008 21:00:00 GMT

Fyri at gera vetrarvenjingina hjá Róðrarfelagnum Knørri betri og stuttligari, fara vit undir nýggja kapping, ið vit kalla RK-PRIX. Í RK-PRIX fara rógvarar í ymsum aldursbólkum at kappast ímóti hvør øðrum í seks umførum, og kappingin endar við einum finaludegi, har nr. 1, 2 og 3 í bólkunum verða heiðraðir á ársveitslu, ið verður sama kvøldið.

Góðu tit øll

rk@rk.fo(Admin) — Fri, 30 Oct 2009 23:25:00 GMT

Í dag, leygardag 31. oktober, skipa vit fyri stórum dansi í høllini á Hálsi, og vit heita á allar RK'arar um at geva felagnum eina hond við tiltakinum.

RK-PRIX byrjar í dag klokkan 14

rk@rk.fo(Admin) — Thu, 22 Oct 2009 22:10:00 GMT

Í dag, sunnudag 25. oktober, verður fyrsta umfar av ársins RK-PRIX. Sum nakað nýtt í ár fara vit at stytta munandi um steðgin millum bólkarnar, so at kappingin skal ganga skjótari, og so at øll kunnu vera samlað, meðan kappingin er.

Vágafólk heiðra síni róðrarfeløg

rk@rk.fo(Admin) — Fri, 21 Aug 2009 11:20:00 GMT

Tað gekst væl hjá Miðvágs róðrarfelagi og Sandavágs ítróttafelagi í summar, og á samkomu í dag fer Vága kommuna at heiðra kappróðrarfólkið har vesturi.

Rógvarafundur í RK á Føroya Sjósavni í dag kl. 18.00

rk@rk.fo(Admin) — Wed, 10 Sep 2008 19:50:00 GMT

Í dag, 14. september kl. 18.00, hevur Róðrarfelagið Knørrur rógvarafund á Føroya Sjósavni á Argjum.

Har vilja vit fegin síggja teg og øll hini, sum hava hug at venja og rógva við RK í vetur og komandi summar. Øll eru hjartaliga væl komin - børn, ung og vaksin, eins og royndir sum spildurnýggir rógvarar.

Myndir frá útferð við Norðlýsinum 2008

rk@rk.fo(Admin) — Sat, 20 Sep 2008 19:30:00 GMT

(20.09.08) Langt um leingi komu myndirnar frá útferðini við Norðlýsinum á heimasíðuna. Myndafólk vóru Johanna, Helgi og Sjúrður. Síggið tær í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Lóg um dato out of date

rk@rk.fo(Admin) — Tue, 23 Sep 2008 19:20:00 GMT

Nýggi skeringsdagurin, 31. desember, sum samtykur varð á seinasta aðalfundi RSF eftir uppskoti frá Róðrarfelagnum Knørri, er als ikki so smartur, sum hann var ætlaður at verða. Í besta føri ger hann okkum øll í ørviti, og í versta føri býtir hann sundur yngru manningarnar, sum nú ikki fáa róð saman í 2009, eins og tær ætlaðu.

Róðrarfelagið Knørrur hevur nú tikið stig til at rætta mistakið.

í Skotinum: Kirstin Clementsen

rk@rk.fo(Admin) — Thu, 30 Oct 2008 00:40:00 GMT

Kirstin er skopunardama, fødd 15. januar 1988, og arbeiðir til dagligt hjá Advokatfelagnum við Strond.

Kirstin er uppvaksin í Havnar Róðrarfelag, har hon hevur róð í trý ár – øll við Sílinum. Í 2006 sat hon í rúminum, í 2007 á toftini og í 2008 á lærinum, tá hon eisini var bátsforkvinna. Hon ætlar sær at rógva aftur í 2009, helst við seksmannafarinum Gongurólvi, um nóg stór undirtøka verður fyri tí.

Seriøs undirtøka sjálvandi, leggur hon afturat við einum lítlum skálkabrosi.

Team Building á Vestaru vág

rk@rk.fo(Admin) — Sun, 19 Apr 2009 03:15:00 GMT

Í sambandi við at eitt danskt ferðalag er á teambuildingarferð í Føroyum, varð skipað fyri róðri á Vestaruvág, har danirnir sluppu at rógva í føroyskum báti. Róðrarfelagið Knørrur og Havnar róðrarfelag løgdu bátar og fólk til, og tað gjørdist ein frálíkur dagur hjá øllum. Síggið myndirnar í savni okkara.

RK-PRIX, fyrsta umfar

rk@rk.fo(Admin) — Tue, 07 Oct 2008 03:00:00 GMT

5. oktober var fyrsta umfar av RK-PRIX avgreitt. Hetta var samstundis fyrsta ferðin, ið vit hava slíka kapping í felagnum yvirhøvur, so vit vóru sjálvandi spent eftir at vita, hvussu tað fór at ganga, og hvussu undirtøkan fór at verða.

Alt í alt lukkaðist tað bara fínt, og hóast undirtøkan avgjørt kundi verið betri hjá eldri flokkunum, so kunnu vit gleðast um, at tey yngstu møttu væl upp og góvu okkum ein góðan dag.

RK-PRIX, annað umfar

rk@rk.fo(Admin) — Thu, 30 Oct 2008 00:30:00 GMT

Sunnudagin 26. oktober róðu vit annað umfar av RK-PRIX. Eins og seinast var luttøkan sera góð hjá teimum yngstu, og sera gleðiligt var eisini, at hesa ferð róðu bæði dreingir U18 og kvinnur.

RK-PRIX, triðja umfar

rk@rk.fo(Admin) — Mon, 17 Nov 2008 00:05:00 GMT

Triðja umfar av RK-PRIX var á Saltsøluni sunnudagin. Síggið úrslit, myndir og støður við at trýsta á bláa PRIX-bannaran í stýriborð ella trýstið "Les meira".

RK-PRIX, fjórða umfar

rk@rk.fo(Admin) — Mon, 15 Dec 2008 00:05:00 GMT

Fjórða umfar av RK-PRIX var á Saltsøluni sunnudagin. Síggið úrslit og støður við at trýsta á bláa PRIX-bannaran í stýriborð ella trýstið á "Les meira".

Stórur almennur dansur við norsku Sakarina

rk@rk.fo(Admin) — Fri, 19 Dec 2008 09:05:00 GMT

Róðrarfelagið Knørrur eigur eitt óføra raskt stuðulsfelag, og leygarkvøldið 31. januar skipar tað fyri stórum almennum dansi í Høllini á Hálsi, tá ið vælumtókti norski svingbólkurin Sakarina og føroyska orkestrið Rok fara at fáa rútmurnar at svinga í hjørtunum á teimum dansiglaðu.

Katrin Olsen komin til Beijing

rk@rk.fo(Admin) — Mon, 04 Aug 2008 15:05:00 GMT

Olúmpisku leikirnir banka alvorliga á dyrnar, og okkara egna Katrin Olsen og hini í danska OL-ferðalagnum eru komin til Beijing, har tey nú fyrireika seg til komandi róðrarnar. Fyrsti innleiðandi róður hjá Katrini og bátsfelaganum Juliane verður væntandi komandi sunnumorgun, 10. august kl. 7.50-8.20 føroyska tíð. Vit hava fingið bræv sendandi frá Katrini úr Beijing.

Tíðandaskriv frá Kappróðrarfelagnum NSÍ um Fish Fair 2008

rk@rk.fo(Admin) — Mon, 31 Mar 2008 19:15:00 GMT

Árliga Fish Fair kappingin í inniróðri verður í Ítróttarhøllini í Runavík leygardagin 5. apríl. 2008 kl. 10.00. Kappingin er bæði fyri einstaklingar og stafettir. Einstaklingakappingin er býtt upp í aldursbólkar, og stafettkappingin verður við seks rógvarum í ymsum aldursbólkum.

Jógvan Elias Jacobsen: Hvar er stoltleikin blivin av at smíða bátar?

rk@rk.fo(Admin) — Wed, 09 Jan 2008 01:20:00 GMT

Føroyskt bátasmíð hevur allar tíðir verið eyðkent við tað, at smiðir hava lagað bátin soleiðis, sum teimum hevur tókt best. Kendastur man vera Nólsoyar Páll, ið segðist at leingja kjølin, so at báturin varð tryggari í sjónum, og soleiðis hava aðrir forvitnir og djarvir menn broytt bát okkara og skapt sítt egna verk.

Men sambært Jógvan Eliasi Jacobsen er henda sunna gongdin uppsteðgað, nú summir eru farnir at kopiera bátar hjá øðrum. Vit hava fingið sendandi grein frá Jógvan Eliasi, sum ikki leggur fingrarnar ímillum í síni hugsan um støðuna, ið hann skírir sum "kinatilstandir". Hann skrivar:

Tað rør um ídnan bátasmið – viðtal hjá Snorra Brend við Sámal Hansen

rk@rk.fo(Admin) — Sun, 20 Apr 2008 06:00:00 GMT

Sámal Hansen hevur verið høvuðsleverandørur til føroyska kappróðrarflotan seinastu árini, men eftir 60 bátar heldur hann seg hava framt sítt verk, og hugurin til smíðið er farin at minka. Í vikuni hevði Snorri Brend á Sosialinum eitt áhugavert viðtal við Sámal, og við loyvi frá Snorra seta vit tað á heimasíðuna.

08.08.08.08.08 – Startskotið til OL

rk@rk.fo(Admin) — Fri, 08 Aug 2008 09:40:00 GMT

Nú, klokkan 13.08 føroyska tíð, t.e. nakað yvir átta á kvøldi í Beijing, verða olúmpisku leikirnir settir. Tey, ið síggja Eurosport, kunnu síggja setanina beinleiðis í sjónvarpinum. Við í skrúðgonguni saman við óteljandi øðrum ítróttafólkum vera eisini Katrin og Juliane, sum óivað fáa fáa eina ógloymandi uppliving.

Vit hava fingið bræv frá Katrini.

Stjørnukast: Katrin ov stutt í kapping við Pál

rk@rk.fo(Admin) — Tue, 30 Dec 2008 22:00:00 GMT

Í útmerkaðu stjørnukastsendingini hjá Kringvarpinum streyk óføri vágbingurin Pál Joensen - kanska ikki heilt óvæntað - av stað við heiðrinum sum ársins ítróttanavn 2008, og tí ynskja vit honum hjartaliga til lukku við.

Katrin Olsen, sum eisini var við í kappingini, og sum lá í kapping við Pál eftir metingini hjá teimum ítróttakønu, varð ov stutt aftur hesa ferð. Vit kunnu tó enn eina ferð gleðast um, at vit í Katrini hava eitt frálíkt umboð, sum vinnur kappróðrinum bæði spenning og sóma, og tað er sanniliga nógvar rósur vert.

Fríði Gullbein ungdómsvertur á rk.fo

rk@rk.fo(Admin) — Sat, 27 Sep 2008 15:35:00 GMT

Heimasíðan hjá okkum fær nú ein vert afturat. Talan er um Fríða Gullbein, sum fer at stíla fyri ungdómstilfarinum á síðuni. Í fyrsta umfari fer hann at taka sær av Skotinum, sum er profildeildin hjá okkum, og seinni er ætlanin at gera annað tilfar, sum ikki hevur verið á heimasíðuni fyrr.

Fríði er ikki heilt óroyndur á økinum, og nógv av teimum ungu munnu kenna hann aftur frá Arto, har hann hevur sín egna kappróðrarprofil. Nú fer hann at taka eitt tak fyri rk.fo eisini, og tað eru vit sera fegin um.

Róðrarfelagið Knørrur hjálpir Reyða Krossi

rk@rk.fo(Admin) — Wed, 24 Sep 2008 12:35:00 GMT

Leygardagin 4. oktober skipar Reyði Krossur Føroya fyri landsfevnandi peningainnsavning til frama fyri neyðstødd fólk kring um í heiminum.

Reyða Krossi vantar tó fólk at hjálpa sær við arbeiðinum, og Róðrarfelagið Knørrur hevur tí boðið sær til at veita vælgerandi felagsskapinum nakrar hjálpandi hendur.

Í dag hjálpa vit Reyða Krossi

rk@rk.fo(Admin) — Fri, 03 Oct 2008 21:35:00 GMT

Í dag er stóri innsavningardagurin hjá Reyða Krossi, og Róðrarfelagið Knørrur heitir á allar limir sínar, sum hava stundir at seta fýra tímar av til eina góða søk, um at hjálpa til. Møtt verður í auluni í Kommunuskúlanum kl. 11.00. Har fáa innsavnarar bússurnar útleveraðar, eins og teir fáa at vita, hvat teir skulu ganga. Sjálv innsavningin verður frá klokkan 12.00 til 15.00.

Innbjóðing frá ÍSF til evniskvøld um føroyskan úrvalsítrótt

rk@rk.fo(Admin) — Sun, 02 Nov 2008 22:55:00 GMT

Í kvøld, 3. november klokkan 20.00, skipar ÍSF fyri stórum evniskvøldi í útvarpshøllini, har føroyskur úrvalsítróttur verður settur á breddan.

Vit hava fingið tíðindaskriv frá ÍSF, ið heitir á øll áhugað ítróttafólk um at koma við á evniskvøldið. Tíðindaskrivið er soljóðandi:

Linkkvøld hjá dreingjum U15

rk@rk.fo(Admin) — Sun, 09 Nov 2008 17:00:00 GMT

Linktiltakið í gjár var fantastiskt uppá allar mátar. Vit byrjaðu at linka kl. 20.00 og vóru lidnir uml. kl. 03.00. Tað var eitt sindur friðarligt í byrjanini, men so byrjaðu vit at arga teir og siga, at teir nyttaðu einki, og teir blivu ørir. Tá vit so høvdu linkað eina løtu, bílagdu vit pizza, og tá menn vóru mettir og væl settir, fóru vit so í gongd við at spæla aftur.

Havnarmenn á sjó

rk@rk.fo(Admin) — Fri, 14 Nov 2008 23:05:00 GMT

Tað var tann tíð, fyri ikki so langari tíð síðan, faktiskt var tað í summar, at báturin hjá Leivi og teimum fekk um skrúvuna. Báturin, sum so mangan stimaði við Orminum Langa aftur og fram eftir Havnar vág. Ein flottur AWI 27. Bláur var hann, og tað gjørdi hann ikki minni vakran í mínum bláoygdu eygum.

Húggiróður við Gamla Jarnbardi

rk@rk.fo(Admin) — Wed, 19 Nov 2008 21:30:00 GMT

Fyri tíð síðan fluttu vit Gamla Jarnbard í neystið á Skálatrøð, so at rógvarar og limir í RK annars kunnu rógva sær ein túr, tá ið hugurin og veðrið eru til tess. Á Skálatrøð er frálíkt at flota, eins og gott er at rógva inni á vágni, og serliga hjá teimum yngru er hetta gott hesa tíð á árinum.

Forsíðusniðið á heimasíðuni broytt eitt sindur

rk@rk.fo(Admin) — Thu, 10 Jan 2008 10:00:00 GMT

(10.01.08) Forsíðan á heimasíðuni hjá okkum hevur nú fingið eitt sindur øðrvísi snið. Tíðindini eru færri, og uppsetingin er broytt.

Arbeitt verður við heimasíðuni

rk@rk.fo(Admin) — Wed, 26 Nov 2008 16:35:00 GMT

Heimasíðan hjá okkum hevur ikki virkað eins skjótt hjá øllum í seinastuni, og tí verða tekniskar ábøtur gjørdar á síðuna í løtuni. Meðan arbeitt verður, kunnu summar funktiónir vera tiknar burtur eina tíð. Síðan verður væntandi dagførd sum vanligt, men haldið okkum til góðar við tekniska arbeiðinum og tí órógv, sum tað kann geva.

Øll familjan í Vágsbotn

rk@rk.fo(Admin) — Fri, 24 Apr 2009 02:25:00 GMT

Flaggdagin verður stórur familjudagur í Vágsbotni, tá ið Róðrarfelagið Knørrur skipar fyri vælkenda flaggdagstiltaki sínum. Á skránni eru bæði kend og spildurnýggj tiltøk – eitt nú barnaróður á vágni, stuðulsrógving og kappróður millum sterkastu páparnar í Føroyum – umframt at familjan kann hugna sær saman við hópin av øðrum undirhaldi og njóta ein søtan munn og nýbakaðar vaflur saman.

RK á Facebook

rk@rk.fo(Admin) — Sat, 08 Nov 2008 04:50:00 GMT

Heimasíðan hjá Róðrarfelagnum Knørri hevur fingið eina systursíðu á vælumtókta Facebook. Á Facebook sosialisera vit og servera ymiskt tilfar frá okkara egnu síðu, sum framvegis er og verður rk.fo. Á Facebook kanst tú harumframt verða limur og senda inn myndir, meiningar og filmsbrot.

Klaksvíkingar aftur til brots

rk@rk.fo(Admin) — Wed, 10 Dec 2008 15:45:00 GMT

Meðan tað gongst striltið hjá summum at manna til komandi ár, hava onnur fingið fult hús og eru farin í sving við fyrireikingarnar. Millum teirra er tíggjumannafarið Klaksvíkingur, ið nú aftur leggur til brots. Dimmalætting hevði fyri stuttum viðtal við bátsformannin, Svein Rógva Nielsen. Vit endurgeva greinina her.

HAPPY DAYS

rk@rk.fo(Admin) — Sat, 22 Nov 2008 10:05:00 GMT

Vit søgdu við teir, tá ið vit vandu fyri fyrstu ferð, at vit fóru kanska at taka ein lítlan túr við onkrum báti, so at teir sluppu at royna seg sjálvar á sjónum. Hetta hava teir plágað okkum við síðan tá, og nú skuldi tað verða. Um tað so var kalt sum í eini frystiboks, so skuldu teir bara út!

Jólasjeikar á Havnarvág

rk@rk.fo(Admin) — Sat, 22 Nov 2008 08:35:00 GMT

(22.11.08) Í gjár, ein seinan og ískaldan novemberdag, gjørdu tólv heitspentir knørradreingir sín fyrsta túr í bát saman við venjarum sínum. Síggið myndirnar í savninum ella trýstið á yvirskriftina.

Av Glyvursnesi til Temsá

rk@rk.fo(Admin) — Wed, 06 Feb 2008 09:00:00 GMT

Tær hava ikki slept árini, Eivy Olsen og tær. Als ikki. Tær eru tvørturímóti við at seta ordiliga ferð á og satsa upp á eina spennandi róðrarkarrieru uttanlands.

Og tær venja hart. Beinhart. Í januar vóru tær til DM í inniróðri, og 1. mars - á aðalfundardegnum hjá Róðrarfelagnum Knørri - rógva tær kapp í sjálvari Temsá í London. Nevndin í Róðrarfelagnum Knørri hevur ikki minni enn tvey umboð við í London, tí við stýrið henda dagin situr eingin annar enn Jannie the Best Dam Jacobsen. Vit hava fingið bræv frá Eivy, har hon sigur frá venjingunum hjá sær og hinum føroysku kvinnunum, og hvussu tað gongur við fyrireikingunum. Hon skrivar:

Ferðafrásøgn úr Italia

rk@rk.fo(Admin) — Tue, 22 Apr 2008 11:45:00 GMT

Fyri eini tíð síðan fekk heimasíðan eina heilsan frá okkara egnu Eivy Olsen, ið saman við føroysku vinkonum sínum var á egnari venjingarlegu suðuri í Piediluco í Italia.

Avhølving í Odense

rk@rk.fo(Admin) — Sun, 27 Apr 2008 13:15:00 GMT

(27.04.08) Føroyskir rógvarar gera alt meira vart við seg uttanlands, og nýggjasta skotið á stammuni - quinnufýrarin - hevur gjørt bart í danskari kapping í vikuskiftinum. Bæði í gjár og í dag hava kvinnurnar vundið burtur úr allar mótstøðu í kappingini, sum verður nevnd Odense Langdistance.

Row Row Row Your Boat…

rk@rk.fo(Admin) — Tue, 04 Nov 2008 23:05:00 GMT

Alt fleiri føroyskir rógvarar royna seg í útlendskum kappróðri, einamest í Danmark, ið sum kunnugt er ein rættiliga sterk róðrartjóð. Tað tekur sjálvandi tíð at koma sær fram, men hvussu langt kann ein føroyskur nýbyrjari eginliga koma upp á eina sesong? Hevur ein yvirhøvur nakran kjans?

Vit hava fingið bræv frá Eivy Olsen, har hon greiðir frá sínum royndum ta stuttu tíð, hon hevur roynt seg í donskum kappróðri.

Kvinnufýrarin gull

rk@rk.fo(Admin) — Sun, 27 Apr 2008 10:40:00 GMT

Føroysku kvinnurnar, sum ætla sær við á danska landsliðið, skoraðu ein týdningarmiklan sigur í gjár, tá tær vunnu 6 kilometra teinin í Odense.

Gleðilig jól

rk@rk.fo(Admin) — Mon, 22 Dec 2008 10:05:00 GMT

Róðrarfelagið Knørrur ynskir tær og tínum kæru eini góð og hugnalig jól og eitt eydnuríkt nýggjár.

Manningafundurin – fyrstu fyrireikingarnar til 2008

rk@rk.fo(Admin) — Tue, 04 Sep 2007 22:05:00 GMT

(05.09.07) Umleið 30 rógvarar vóru á manningafundinum hjá RK, leygardagin 1. september. Á skránni var viðgerð av ymsum róðrarviðurskiftum, ið bøtt kann verða um, og fyrstu stigini vóru eisini tikin til at manna bátarnar næsta ár.

Jens Michal skaddur

rk@rk.fo(Admin) — Wed, 30 Apr 2008 11:50:00 GMT

Best, sum teir á Knørri eru farnir at fíntuna kanónirnar til kappingarárið, hava teir verið fyri einum álvarsligum bakkasti: Jens Michal Tróndheim, toftumaðurin í bakborð og Føroya besti maskinrógvari, er vorðin skaddur og fær ikki verið við í venjingini. Ivasamt er, um hann yvirhøvur verður við í ár.

Manningatíðindi: Quinnurnar á Jarnbardi siga farvæl – nýggjar koma umborð

rk@rk.fo(Admin) — Mon, 26 Nov 2007 19:05:00 GMT

Gullgardan hjá okkum á Jarnbardi við kvinnum hevur lagt árarnar inn, og Eivy, Jannie og allar hinar the-good-old-girls eru avfarnar. Komandi ár mannar unga Joan Samuelsen Jarnbardin við spildurnýggjari manning.

Fylgið við, hvussu Ormurin Langi verður til

rk@rk.fo(Admin) — Fri, 07 Mar 2008 08:55:00 GMT

Nú ber til at fylgja við á heimasíðuni, hvussu nýggja tíggjumannafarið hjá okkum tekur skap. Sámal Hansen er so beinasamur at senda okkum myndir, so hvørt sum arbeiðinum líður, og vit leggja tær í myndasavnið beinanvegin. Fylgið við komandi tíðina og síggið, hvussu báturin verður til. Farið undir "Myndir > 2008" ella trýstið á yvirskriftina á hesi grein.

Myndir frá seyðauppboði í Tinghúsgarðinum 2007

rk@rk.fo(Admin) — Mon, 15 Oct 2007 08:15:00 GMT

(15.10.07) Myndir frá seyðauppboðssøluni, sum vit skipaðu fyri nú leygardagin, eru lagdar út á síðuna. Myndamenn vóru Sverri Tórstún og Sjúrður Gullbein. Síggið myndirnar í savninum ella trýstið á yvirskriftina.

Stevnumyndir: norðoyastevna 2009

rk@rk.fo(Admin) — Mon, 08 Jun 2009 00:25:00 GMT

Myndirnar frá norðoyastevnuni eru komnar. Myndafólk vóru stór og smá í Róðrarfelagnum Knørri, og teimum takka vit fyri nógvar frálíkar myndir – mest av okkum bláu, men eisini av øllum hinum litríku feløgunum.

Brúkið "aftur" og "næsta síða", um tað ikki riggar at blaða við tølunum.

Stevnumyndir: fjarðastevna 2009

rk@rk.fo(Admin) — Mon, 15 Jun 2009 08:05:00 GMT

Myndirnar frá fjarðastevnu eru lagdar út á heimasíðuna. Myndafólk vóru sum vanligt bæði stór og smá í RK.

Stevnumyndir: sundalagsstevna 2009

rk@rk.fo(Admin) — Thu, 25 Jun 2009 00:25:00 GMT

Myndirnar frá sundalagsstevnu eru komnar. Myndirnar tóku sum vanligt stór og smá í Róðrarfelagnum Knørri.

Stevnumyndir: jóansøka 2009

rk@rk.fo(Admin) — Sat, 27 Jun 2009 22:05:00 GMT

Myndirnar frá jóansøkuni eru lagdar út á síðuna. Myndafólk vóru sum vant ein hópur av góðum fólki í RK.

Stevnumyndir: varmakelda 2009

rk@rk.fo(Admin) — Thu, 09 Jul 2009 22:05:00 GMT

Myndirnar frá varmakelduni eru komnar út á knørranetið. Myndafólk var ein hópur av okkum sjálvum sjálvandi.

Stevnumyndir: vestanstevna 2009

rk@rk.fo(Admin) — Wed, 15 Jul 2009 22:05:00 GMT

Myndirnar frá vestanstevnu eru lagdar út á síðuna. Myndafólk vóru enn eina ferð nógv og trúgv knørrafólk.

Stevnumyndir: ólavsøka 2008, neystatreff

rk@rk.fo(Admin) — Sat, 08 Aug 2009 22:05:00 GMT

Ólavsøkan fór um sýn, men við myndunum frá neystatreffinum minnast vit aftur á stuttligu løtuna, vit høvdu saman á seinasta róðrardegnum í ár.

Stevnumyndir: ólavsøka 2009, kappróður

rk@rk.fo(Admin) — Sat, 01 Aug 2009 22:05:00 GMT

Fyrri partur av ólavsøkumyndunum hjá RK er lagdur út á knørranetið. Myndirnar frá glymurdansinum á Skálatrøð koma seinni.

Gamlar myndir: Quinningin 2002

rk@rk.fo(Admin) — Sun, 19 Oct 2008 14:40:00 GMT

(19.10.08) Fólk eru røsk at senda inn myndir til okkara, og seinasta skotið er nakrar fínar av jarnbardakvinnunum, sum róðu í 2002. Sum vit hava fingið uppspurt, er tað myndamaðurin Bárður Eklund, ið forævigaði sterku manningina hetta árið.

Once Upon a Time – Knørrur 1990

rk@rk.fo(Admin) — Fri, 10 Oct 2008 14:40:00 GMT

(10.10.08) Vit hava fingið sendandi nakrar myndir av sjeikunum, sum róðu við Knørri í 1990. Vit síggja Jeggi, Regin, Høgna, Petur, Magnus, Páll Olaf, Guttorm, Olaf og Andrias, sum hetta árið myndaðu eina megnarmanning, ið vann FM-heitið so smørliga. Summir eru enn aktivir í felagnum, aðrir eru farnir aðrar leiðir – tó felags fyri allar munnu vera góðu minnini av Skálatrøð og stevnunum hetta árið. Síggið myndirnar í savninum ella trýstið á yvirskriftina.

Gamlar myndir: Jarnbardur kvinnur á ólavsøku 2004

rk@rk.fo(Admin) — Sat, 04 Oct 2008 14:40:00 GMT

(04.10.08) Best sum heimasíðuverturin gróv í fløgurúgvuni hjá sær, kom hann fram á eina fløgu við myndum av føroyameistarum 2004, og harímillum vóru tvær myndir av Jarnbardi við kvinnum hetta árið.

Hóast fáar, so eru tær tess virðismeiri, so vit seta tær beint á síðuna.

Gallamyndir 2008

rk@rk.fo(Admin) — Sun, 24 Aug 2008 12:05:00 GMT

(24.08.08) Loksins hava vit sett myndirnar frá gallaveitsluni 2008 á síðuna. Saman við vøkru veitslufólkunum gleðast vit samstundis um, at onnur feløg endiliga taka táttin upp eftir Róðrarfelagnum Knørri, ið hevur skipað fyri øllum teimum seinastu veitslunum - og hvør veit, um tær ikki fara at ganga upp á skift í framtíðïni. Men njótið nú myndirnar og goymið tykkara darlingar við at høgraklikkja mitt á myndirnar (har hondin gerst ein pílur).

Felagsmyndir 2008

rk@rk.fo(Admin) — Fri, 31 Oct 2008 23:30:00 GMT

Felagsmyndirnar hjá Róðrarfelagnum Knørri 2008 eru lagdar út á síðuna. Klikk og njót brot úr árinum, ið vit høvdu saman.

Stevnumyndir: ólavsøka 2008, neystatreff

rk@rk.fo(Admin) — Wed, 06 Aug 2008 12:05:00 GMT

(06.08.08) Seinni helmingur av ólavsøkumyndunum er nú útlagdur. Talan er um myndir frá hátíðarhaldi okkara á Skálatrøð. Myndafólk vóru ein fjøld av góðum fólki, og teimum nýta vit høvið at takka hjartaliga fyri innsatsin í ár. Síggið myndirnar í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Stevnumyndir: ólavsøka 2008, kappróður

rk@rk.fo(Admin) — Sun, 03 Aug 2008 01:40:00 GMT

(03.08.08) Heimasíðan leggur nú árarnar út aftur eftir eina lítla ólavsøkupausu og leverar fyrra helming av myndunum frá seinasta róðrinum. Seinni helmingur – tann frá hátíðarhaldi okkara á Skálatrøð – verður lagdar út sum snarast saman við øðrum tilfari frá haldinum. Myndafólk vóru sum vant ein ørgrynni av góðum RK-fólki. Síggið myndirnar í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Stevnumyndir: sundalagsstevna 2008

rk@rk.fo(Admin) — Mon, 16 Jun 2008 21:25:00 GMT

(16.06.08) Myndirnar frá sundalagsstevnu eru nú komnar. Myndafólk vóru øll møgulig góð fólk í RK. Síggið tær í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Stevnumyndir: norðoyastevna 2008

rk@rk.fo(Admin) — Mon, 09 Jun 2008 21:25:00 GMT

(09.06.08) Myndirnar frá norðoyastevnu eru nú komnar. Myndamenn vóru Guðmundur S. Norðbúð og Magnus Gaard. Síggið myndirnar í savninum ella trýstið á yvirskriftina. Gevið gætur, at tit kunnu goyma myndirnar við at høgraklikkja mitt á tær (har hondin gerst ein pílur).

Myndir frá Fish Fair 2008

rk@rk.fo(Admin) — Mon, 07 Apr 2008 01:20:00 GMT

(07.04.08) Fyrri partur av myndunum frá Fish Fair kappingini leygardagin er nú lagdar út á síðuna. Restin kemur seint í kvøld. Myndafólk vóru Helgi Øster Petersen og onnur knørrafólk. (Riggar ikki at blaða við tølunum, tá ið tit koma til myndirnar, roynið so við "aftur" og "næsta síða")

Stevnumyndir: vestanstevna 2008

rk@rk.fo(Admin) — Tue, 15 Jul 2008 05:30:00 GMT

(15.07.08) Vestanstevnumyndirnar eru komnar. Myndafólk vóru Bára, Óli Jákup, Guðmundur, Sasho og onnur. Síggið tær í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Stevnumyndir: eystanstevna 2008

rk@rk.fo(Admin) — Mon, 30 Jun 2008 01:30:00 GMT

(30.06.08) Eystanstevnumyndirnar eru komnar. Myndafólk vóru Guðmundur Sjúrðarson Norðbúð og onnur í RK. Síggið tær í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Stevnumyndir: fjarðastevna 2008

rk@rk.fo(Admin) — Sun, 06 Jul 2008 11:10:00 GMT

(06.07.08) Fjarðastevnumyndirnar eru komnar. Myndafólk vóru Óli Jákup, Guðmundur, Óðinn og Sjúrður. Síggið tær í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Stevnumyndir: jóansøka 2008

rk@rk.fo(Admin) — Tue, 24 Jun 2008 00:45:00 GMT

(24.06.08) Myndirnar frá jóansøku eru loksins komnar. Sorry we are late. Myndafólk vóru sum so mangan góð fólk í RK. Síggið tær í savninum ella trýstið á yvirskriftina. Tit kunnu goyma myndirnar við at høgraklikkja mitt á tær (har hondin gerst ein pílur).

Myndir frá venjingarleguni 2008

rk@rk.fo(Admin) — Fri, 18 Apr 2008 21:45:00 GMT

(18.04.08) Seinni partur av myndunum frá venjingarleguni er nú komin. Myndafólk vóru hvør øll møgulig úr RK og SÍF. Teimum takka vit mangar ferðir, men størsta tøkkin fer enn eina ferð til tykkara, ið vóru framman fyri myndatólið. (Riggar ikki at blaða við tølunum í myndunum, roynið so við "aftur" og "næsta síða").